ВИДЕО: Добредојдовте браќа – Порфирије објави снимка од пречекот на архиепископот Стефан

Архиепископот господин господин Стефан и владиците пристигнаа во Белград по повод утрешната заедничка литургија за помирување која ќе се одржи во храмот „Свети Сава“ во Србија. Поглаварот на Српската православна црква, патријархот Порифије објави видео од пречекот на социјалните мрежи. „Како што бијат камбаните на храмот, така и нашите срца бијат од радост за овој благословен ден. Добредојдовте драги браќа. Добредојде брате архиепископе Стефан и владиките. Добредојдовте во заедницата на љубовта вие и целиот ваш народ. Браќа сме и само браќа“, напиша тој.