Се затвора границата: Во Грција 36 туристи позитивни на коронавирусот, повеќето српски туристи

Во соседна Грција, во изминатите 24 часа биле регистрирани 43 нови случаи со коронавирусот, од кои 85 отсто, односно 36 се туристи кои влегле во земјата, соопшти Националната организација за јавно здравје на Грција, јави дописничката на МИА од Атина.

Според грчката новинска агенција АНА-МПА, сите 36 позитивни случаи се од тестовите направени на граничниот премин Промахонас (Кулата) на границата со Бугарија, а 20 од нив се српски туристи.

Грчката Влада вчера соопшти дека од шест часот утрово до 15 јули 2020 година во Грција ќе биде заб pанет влез за државјани на Србија, врз основа на анализата на епидемиолошките податоци.

Како што утрово објави МИА, на граничниот премин Промахонас (Кулат) што воедно е и единствениот отворен за влез на туристи, голем број српски државјани уште на полноќ пристигнале, во обид да влезат во Грција пред шест часот, односно пред да стапи во сила заб pаната за влез. ИзворМИА.